0
CATEGORIES

Чи баригдаж байгаа барилга дээр очиж үзсэн үү?. Тэнд хэдэн арван тэрбум төгрөгийн бараа эргэлдэж, барилга баригддаг. Тэр их барилгын материалыг үйлдвэрлэгчийн дансанд бөөн бөөн мөнгө цутган ордог гэж төсөөл дөө. Барилгын материалын үйлдвэрлэл их ашигтай.

Энэ түүх яг хаана болж өнгөрсөнийг мэдэхгүй. Гэвч амьдралд ойр энэхүү бизнес санааг ойлгомжтой тайлбарлахын тулд Шаньдунь мужын Ван Ли гэгч залууг гол баатар болголоо. Хятадад ханын хавтангийн үйлдвэрлэл Шандунь мужид хамгийн өндөр хөгжсөн билээ. Хөгжлийг дагаад өрсөлдөөн маш их байдаг. Ялангуяа борлуулалтын салбарт өрсөлдөөн их хүчтэй явагддаг. Ван ли хэмээгч ухаалаг залуу энэ өрсөлдөөнд хэрхэн ялагч болж, зах зээлд хүч түрэн гарч ирсэн сонирхолтой түүхээс энд дурдъя.

Тэрээр бусдын адил барилгын хар хавтангийн жижиг үйлдвэрлэгч байлаа. Жинань хот болон мужын бусад хотуудад барилгын хар хавтан үйлдвэрлэгч нар олноороо үйлдвэрлэл явуулж байв. Бүгд л нэг ширхэг хавтангаа 45-55 юань үнээр зах зээлд худалдаална.

Гэвч зах зээлд сайн чанарын хавтангийн том үйлдвэр бусдыгаа давамгайлж байсан юм. Тэр үйлдвэр зах зээлийн сигментийн тал хувийг дангаараа эзэлж байсан бөгөөд үнийн дайн зарлаж, нэг ширхэг хавтангийн үнээ 29 юань хүртэл бууруулсан байна. Тэр үйлдвэр алдагдалтай байсан нь ч зах зээлийг булаан эзлэх шуналдаа буцалж байлаа.

Энэ тулаан олон жижиг үйлдвэрүүдийн үүдийг хаасан бөгөөд цөөхөн хэдэн үйлдвэр тэсэж үлдсэн нь Ван Ли-ийн үйлдвэр байв. Бусармаг явдлыг хараад дуугүй байна гэдэг өөрөө түүнд оролцож байна гэсэн үг. Иймд Ван ли энэ тулааныг эцэс болгох арга ухаан хайж байлаа.

29 юань! Хэн ч, хэзээ ч энэ үнээр хавтан үйлдвэрлэж чадахгүй.

Нэгэн өдөр Ван ли ажилчдын зөвлөлийн гишүүдээ цуглуулан хуралдаж, “Хүнд байдлаас гарах арга зам” байгаа эсэхийг асуув. Гишүүдээс олигтой санал гарсангүй. Бүгд таг чиг. Шаварт унасан Ван ли арга буюу өөрийн ухаанд итгэхээс өөр арга байсангүй. Гэртээ урам муутай ирсэн хүүгээсээ учир байдлыг сонсож мэдсэн ээж нь:

- Хүү минь дээ. Үйлдвэр байгуулах гэж зөндөө л зовлоо. Одоо бусдад хоолоо булаалгачихлаа шүү дээ. Одоо үйлдвэрээ хаагаад тэр хямд үнэтэй хавтанг нь худалдаад сууж байсан дээр дээ гэж хэлсэн нь тун мэргэн санаа байлаа.

Маргааш нь Ван ли “Үйлдвэрээ 6 сарын хугацаагаар түр хаалаа” гэж хэвлэл мэдээллийн хэрэгслээр мэдэгдэв. Эцсийн ганц өрсөлдөгч Ван Ли-гийн гунигт мэдэгдэлийг сонсоод, дарангуйлагч үйлдвэрийн эзэд “Үнийн дайн”-ы ялалтаа тэмдэглэжээ. Гэвч энэ Ван лигийн “Заль” гэдгийг мэдээгүй юм.

Ван Ли өөрийн итгэлтэй ажилчид, инженер техникийн ажилтануудаа цуглуулан их хэмжээний мөнгө зээлэх хэрэгтэй байна. Үүний тулд үйлдвэрээ барьцаалсан ч болно гэлээ. “Энэ зээл бол том эрсдлийн үүд” байсан тул найз нар нь нь ятгаад дийлсэнгүй. Ван ли:

- Та нар бүү ай! Би амлая. Би маш олон талаас нь бодсон. Эрсдэл гарвал би бүх хөрөнгөөрөө батлан даана гэлээ. Тэгээд энэ нууцыг чандлан хадгалахыг найз нартаа захиад, тэднийг барилгын компаний хангамжын менежерүүдийн дүрд тоглуулсон юм.

Ван ли банкинаас 200 сая юань зээлэв. Тэгээд бүх мөнгөө найз нартаа хувааж өгөөд, нөгөө дарангуйлагч үйлдвэрийн хавтангуудыг худалдан авч эхэлжээ. Тэд бүгд маш хатуу гэрээ байгуулан хавтангуудыг худалдан авч байлаа. Тун удалгүй нөгөө үйлдвэр хавтангийнхаа борлуулалтыг зогсоох шийдвэр гаргажээ. Ван Ли-д 80 сая юань үлдсэн байв. Түүний нөхөд “Гэрээний дагуу хавтангийнхаа нийлүүлэлтээ зогсоолоо” хэмээн дарангуйлагч үйлдвэрийн эздийг шүүхэд өгнө хэмээн сүрдүүлэн, дарамтлаж эхлэв.

Түүний агуулах 4 сая ширхэг хар хавтангийн нөөцтэй болжээ. Нэгэнт дарангуйлагч үйлдвэр хавтангийн борлуулалтаа зогсоосон тул Ван ли хавтангийн борлуулалтын зах зээлийг ганцаар барих боломжтой болсон юм. Орон нутгийн бүх үйлдвэр үүдээ барьсан тул хавтангийн үнэ өсөх нь гарцаагүй. Ван Ли-гээс өөр хавтангийн нөөцтэй хүн үлдээгүй тул нэг хавтанийнхаа үнийг 60 юань хүргэв.
Ван Ли ээжийнхээ мэргэн ухааны ачаар 24,8 сая юаны борлуулалт хийж, 12 сая юаний ашиг олжээ. Богино хугацаанд ийм өндөр ашиг олсон тул Ван ли дампуурлаа зарлаад байсан жижиг үйлдвэрүүдийг худалдан авч, ганцхан өрсөлдөгчтэй үлдсэн юм.

Гэвч түүний ганц өрсөлдөгч зах зээлд хийсэн үнийн тулаандаа ялагдал хүлээн, эргэж босох тэнхээгүй болж дампуурчихсан байв. Ийнхүү Ван Ли “Зах зээлд ганцаараа ноёрхох гэсэн шудрага бус өрсөлдөөн”-д ялалт байгуулснаар мужынхаа тэргүүлэгч үйлдвэр болж чадсан юм. Энэ түүх борлуулалтын салбарт хийсэн гайхамшигтай бизнес санаа билээ..

Бизнес санааг бичсэн: Суусан цэцэн биш явсан тэнэг хэмээх Ц.Энхтайван

БИДНИЙ ХАЯГ

Баянзүрх дүүрэг 26-р хороо, Дүнжингарав захын урд талд,
Глобал Олон улсын дунд сургуулийн хашаанд 207-р байр.


ЦАГИЙН ХУВААРЬ:

Даваа-Бямба: 10:00 - 18:00
Ням: Амралтын өдөр.

Зочидын мэдээлэл

  • Манай нийт зочид: 17601837

Манай зочид

Тантай хамт 603  зочин манай сайтын мэдээллийг сонирхон үзэж байна.

Нэвтрэх