0
CATEGORIES

Үхрийн булууны ясыг хэрэглэж дуусаад хаяж болохгүй. Булууны яс бол гадаадад маш өндөр үнэтэй түүхий эд болдог. Түүгээр ясны шаазан хийдэг. Хүний хэрэглээнд зориулж, эрүүл мэндэд хоргүй ясны шаазан үйлдвэрлэхийн тулд мал эмнэлэгийн үзлэгт орж өвчингүй хэмээн тодорхойлогдсон амьтны цэвэр ясаар шаазан үйлдвэрлэнэ. Бидний хэрэглэж байгаа яс бол энэ үзүүлэлтэнд маш сайн тохирно.
Бид өөрсдийн идэж байгаа малынхаа ясыг дахин боловсруулж байгаа болохоос биш ямар нэгэн өвчнөөр үхсэн малын ясыг түүдэггүй.

bone03

Ясны шаазангийн үнэт түүхий эдийг Монголдоо бэлтгэн экспортловол валютын шинэ эх үүсвэр нээгдэнэ. Зураг дээр байгаа яснууд ясны шаазан хийх хамгийн үнэт түүхий эд болдог тул эдгээр ясыг тусгайлан бэлтгэх хэрэгтэй.

1. Ясны үнс үнэт түүхий эд

Өндөр температурт шохойжуулсан ба өөх тос болон желатан агуулаагүй нунтаг түүхий эдээр ясны үнсийг үйлдвэрлэдэг. Эрүүл ахуйн шаардлагад нийцсэн, чанартай ясны үнс бэлтгэхийн тулд тусгай нунтаглагч машинаар тээрэмддэг. Одоогоор ийм ясны үнсийг Голландын Вүрэн (Vuren, The Netherland)-д үйлдвэрлэж, дэлхийн зах зээлд гаргаж байна.
Ясны үнс нь инертийн химийн болон органик эд агуулаагүй байдаг.

Эдүгээ Англид шохойжуулсан ясны үнсийг Global ceramics болон Jesse Shirley хэмээх хоёр үндсэн бэлтгэн нийлүүлэгч нар хангаж байна. Тэд ясны үнсний шохойжуулалт болон үйлдвэрлэлээрээ олон жилийн туршлага хуримтлуулсан компаниуд юм.

bone04

Энгийн шаазантай харьцуулах юм бол ясны шаазан нь маш өнгөлөг цагаан, нарийн ширхэгтэй, нимгэн байдаг тул илүү гоёмсог, хээнцэр харагддаг. Гэрэлд зураг дээр байгаа мэт тунгалаг гэрэлтэнэ.

Ясны шаазанг түүхий эдийн
50% ясны үнс,
25% нь каолин шавар,
25% корнийн чулуу байдаг. Корнийн чулуу гэдэг нь Английн Cornwall хэмээх газрын нэг төрлийн шавар юм.

Харин алдарт ясны шаазангийн жоронд орж байгаа үндсэн түүхий эдийн нөөц Монголд их байгаа. Маш сайн цэвэрлэн боловсруулсан ясыг үйлдвэрлэлд түүхий эд болгон хэрэглэнэ.Үхрийн булууны яс хамгийн сайнд тооцогддог. Ингэж бэлтгэсэн түүхий ясны үлдэгдэл органик эдийг нь 1000 хэмийн халуунд шатааж, бүтцийг нь өөрчлөн ясны шаазан хийхэд тохирох түүхий эд болгоно.
Энэ өндөр температур нь ясыг ариутгах дамжлага нь болохоос гадна шохойжуулан үнс болгох процесс нь юм.

Одоогоор Англи, Япон, Хятад, Бангладеш, Энэтхэг, Индонез, Шри Ланка, Тайланд зэрэг орнуудад ясны шаазан үйлдвэрлэж байгаа бөгөөд хамгийн том зах зээл нь өмнөд хөрш маань болоод байна. Иймд бидэнд ихээхэн боломж бий.

2. Ясны гурилын үйлдвэрлэл эрхлэх нь

Ясны анхан шатны боловсруулалт хийхэд уурын даралттай том тогоо, яс бутлагч хоёр байхад болно. Зах зээл дээрээс шулаа хийж, цэвэрлэсэн ясыг тогоонд буцалган анхны шөлийг нь гаргаж авна. Ялангуяа чөмгийг хөрөөдөх буюу ташчихаад чанах хэрэгтэй.

Энэ шөл бол Монголчууд бидний ойлголтоор жинхэнэ “Ядаргаа тайлах” шөл. Учир нь махны амттай тослог сайтай ясны шөл эрс тэрс уур амьсгалтай Монгол оронд хамгийн тохиромжтой шөл билээ. Их хэмжээний яс чанасан шөлийг асгахад хайран. Иймд төлийг нь 500 гр-аар савлан худалдах юм бол нэг шинэ төрлийн бүтээгдэхүүн зах зээлд шинээр нэвтрэх болно.

Харин махыг нь ялган авч хатаагаад нохой муурны тэжээл хийх нэмэгдэл болгон ашиглана. Тосыг нь шүүж аваад эдийн болон гар нүүрийн савангийн түүхий эд болгоно. Анхны чаналтын дараа ясны тос бүрэн арилаагүй байдаг. Иймд дахин чанана. Дахин чанасан шөлөнд ясны кальц ихээр агуулагдсан байдаг тул түүнийг өндөр настаны дархлаа сайжруулах, үе мөчний өвчнийг анагаах тэжээл болгон 500 гр-аар савлаж худалдаанд гаргаж болно.

Эцэст нь ясаа ангилан ялгалт хийж, чөмөг булууны ясыг нь шаазангийн үйлдвэрийн түүхий эд болгож, бусад нуруу, хүзүү, хавирганы ясыг нь бутлан ясны гурил хийнэ. Ясны гурилын үйлдвэрт боловсруулан гаргасан бүтээгдэхүүнээр юу хийх вэ?

1. Ясны тосоор эдийн саван, шампунь, гоо сайхны бүтээгдэхүүн хийдэг.
2. Ясны гурилыг шаазан эдлэлийн үйлдвэрийн түүхий эд болгоно.
3. Ясан урлал, бэлэг дурсгалын зүйлс хийнэ,
4. Хүний эрүүл мэндийн тэжээл болох кальцийн эмийн бэлдмэл хийнэ.
5. Тэжээвэр амьтдын сайн чанарын хоол тэжээл хийнэ.
6. Фосфор, азот, калийн гаралтай шим тэжээл нь алдагдаад байгаа хөрс сайжруулагч органик бордоо хийнэ.

3. Монгол дахь ясны гурилын нөөц

Монгол улс жил бүр 50-70 мянган тонн ясны нөөц баялагтай орон. Монгол малын ясны шинж чанар нь бусад орны малын яснаас чанартай байдаг гэдгийг манай эрдэмтэд судалсан байдаг.
Монгол мал байгалийн органик өвс ургамал иддэг тул кали кальц болон бусад эрдэс бодисын агууламж нь өндөр байдаг.

Өнөөдөр, Монголд яс бараг үнэгүй шахам хаягдал болдог. Хөдөө орон нутгаас ясыг бэлтгэн нийлүүлэхэд тээврийн сүлжээ муутай гэж ярих нь их бий. Монголд хөдөөнөөс буцаж байгаа тээврийн хэрэгслүүдэд ачих ачаа тэр болгон олддоггүй. Гэтэл энэ боломжыг олж харахгүй байгаа хүмүүсийн үзэл бодол юм.

Иймд хөдөө орон нутагт түүхий эд бэлтгэн нийлүүлдэг цэг байгуулбал хаягдал ясны нийлүүлэлт нэмэгдэнэ. Түүхий эд бэлтгэн нийлүүлдэг өрхийн үйлдвэрүүдээс тогтсон ханшаар ясны гурилыг худалдан авч, эцсийн бүтээгдэхүүн хийх бизнес санааг энд дурьдлаа.

Бизнес санааг бичсэн: Суусан цэцэн биш явсан тэнэг хэмээх Ц.Энхтайванpan/span/span>

БИДНИЙ ХАЯГ

Баянзүрх дүүрэг 26-р хороо, Дүнжингарав захын урд талд,
Глобал Олон улсын дунд сургуулийн хашаанд 207-р байр.


ЦАГИЙН ХУВААРЬ:

Даваа-Бямба: 10:00 - 18:00
Ням: Амралтын өдөр.

Зочидын мэдээлэл

  • Манай нийт зочид: 17601837

Манай зочид

Тантай хамт 1669  зочин манай сайтын мэдээллийг сонирхон үзэж байна.

Нэвтрэх