Хүний хэрэглээнд хамгийн их тохирсон ааруулууд.

Эдгээр хэлбэрийн ааруулууд хамгийн сайн борлуулалттай байдаг. Том биш болохоороо амны зугаа болохдоо сайн байдаг тул хүмүүс жижигхэн хэлбэртэй мөртлөө багаар савласан ааруулыг илүү их худалдан авдаг гэнэ.

Энэ ааруул голоороо жимсний чанамалтай болохоороо их сайн борлогддог.

Энэ ааруулаас сүүний амт ихээр амтагддаг. Магадгүй аарцандаа цөцгий хольсон байх магадлал их байгаад байгаа юм.

Үүнийг "Тэнгэрийн ааруул" гэж ярьдаг. Ийм хэлбэртэй ааруулын уутан дээр алдарт дуучин Тэнгэрийн зураг байдаг болохоор нь ингэж нэрлэсэн юм. Таван өнгийн ууттай бөгөөд уут бүрт байгаа ааруулууд өөр өөр жимсний амттай байдаг.

Ийм хэлбэртэй исгэлэн ааруул бас байдаг. Түүнийг Хятад хүмүүс худалдан авах нь бага. Харин Өвөр Монголчууд өөрсдөө маш их дуртай.

Би энэ ааруулыг "Үрлэн ааруул" гээд нэрлэчихсэн юм. Чихэр шиг сайхан харагдах боловч, хуурай сүү их амтагддаг. Надад бол муухай санагдсан. Харин Хятадууд маш их дуртай.

Ааруул манайд хямдхан байдаг бол Хятадад их үнэтэй. Өндөр үнэтэй байх нь ч аргагүй юм.

Чихрээс илүү органик жинж чанартай бөгөөд Хятадад тийм ч элбэг байдаггүй хово бараа шүү дээ.

Энэ онлайн худалдааны сайт дээр ааруулын үнийг танилцуулсан байна.

• 228 гр Үрлэн ааруул 14.6 юань
• 400 гр Тэнгэрийн ааруул 19.8 юань
• 400 гр Олон төрөлт ааруул 19.8 юань
• 570 гр Ууттай ааруул 19.8 юань

Энэ реклам дээр Хайрцагын үнэ 98 юань. 250 гр ааруул 158 юань, 500 гр ааруул 300 юань гэжээ. Аймаар юм.

Ааруул хэмээх урлаг

 

 

 

 

 

 

Ааруулыг үйлдвэрлэлийн аргаар боловсруулах юм бол илүү өндөр үр ашигтай. Тэгээд ч технологийн дагуу үйлдвэрлэл явуулах юм бол борлуулалт илүү сайн байдаг.

Зураг дээр: Ааруул савлах машин. Энэ машин нь чихэр боох зориулалтаар үйлдвэрлэгдсэн юм. Гэвч ааруул савлах тусгай төхөөрөмж байдаггүй тул энэ машиныг савалгаанд хэрэглэнэ.