Ааруул үйлдвэрлэгч нь аарцаа өөрсдөө бэлтгэх нь бүтээгдэхүүний амт чанарт ихээхэн нөлөө үзүүлнэ. Бидний тооцоогоор нэг ээлжиндээ 300 литр тараг бүрж, аарц үйлдвэрлэх тоног төхөөрөмж нь 5 сая төгрөг орчимд багтаж байна.

1. Цахилгаан тогоо

Энэхүү тогоо нь халаалтын температурын автоматаар болон механик тохиргоотой бөгөөд хэрэглэхэд хялбар. Тос болон усанд хүнсний бүтээгдэхүүнийг чанаж боловсруулах зориулалттай бөгөөд хэрэглэж дууссаны дараа тогоог тонгойлгож доторхи шөл болон тосыг авч болно.

Сайн чанарын зэвэрдэггүй гангаар үйлдвэрлэсэн тул арчиж цэвэрлэхэд хялбар, эрүүл ахуйн шаардлагыг бүрэн хангасан.

Нийтийн хоолны газар, цагаан идээ, мах боловсруулах хүнсний үйлдвэр болон эм бэлдмэлийн үйлдвэр, жимс жимсгэнэ, нарийн ногооны үйлдвэр, яс боловсруулах үйлдвэр, боов боорцогны цех зэрэг төрөл бүрийн үйлдвэрлэлийн салбарт хэрэглэж болно.

Зураг дээр: Автомат температур тохируулагчтай тогоонд зөөлөн болон хүчтэй галаар болгох шаардлагатай бүтээгдэхүүнийг чанаж болгоно. Тухайлбал:

Хэвийн боов, боорцог, цагаан идээ, мах, гэдэс дотор, цус, яс, жимс жимсгэнэ, хүнсний ногоо, эмийн ургамал, цай гэх мэт

• Тогооны гадна дотор цамцнуудын зузаан: 3-5 мм
• Материал: SUS304 маркийн сайн чанарын зэвэрдэггүй ган төмрөөр хийсэн. Захиалагчын хүсэлтээр SUS316 төмрөөр тогооны дотор талыг хийлгэж болно.
• Халаалт тохируулагч: Бий. Тохиргоо хийсэн температурт хүрмэгц машин автоматаар унтарна.
• Хутгуурын эргэх хурд: 36 эрг/мин (Захиалагчын хүсэлтээр өөрчилж болно.)
• Цамцны даралт: 0.09 Мра
• Сертификат: GMP, QC, HACCP гэрчилгээтэй тул хүнсний болон эмийн үйлдвэрлэлийн шаардлагыг хангасан.
• Эргэх өнцөг: Тогоонд боловсруулсан бүтээгдэхүүнийг 180 хэмээр эргүүлэн тогоог хөмөрч болно.
• Хутгагч: Үйлдвэрлэгч хутгагчыг тогооны үнийн саналд оруулдаггүй 400 доллороор үнэлдэг байсан бол эдүгээ үнэгүй дагалдуулан өгдөг болсон байна.

1. Бага оврын тогоонууд

Модель	CMDJ-50	CMDJ-100	CMDJ-200	CMDJ-300
2014 оны үнийн санал (юань)	Үгүй	10000 юань	12000 юань	14000 юань
2016 оны үнийн санал (юань)	7500 юань	8800 юань	9800 юань	10700 юань
Багтаамж	50 литр	100 литр	200 литр	300 литр
Хутгагчын чадал	0.75 квт	0.75 квт	1.1 квт	1.5 квт
Гадна, дотор тогооны зузаан	3мм	3мм	3мм	3мм
Тогооны амсарын диаметр	600 мм	700 мм	800 мм	900 мм
Чадал	12 квт	12 квт	12 квт	18 квт
Халаалттай гадаргуун талбай	0.45м2	0.58м2	1.12м2	1.42м2
Усны хоолойн диаметр	20мм	20мм	20мм	20мм
Халах температур	2200С хэм

Жич: Үйлдвэрлэл технологийн шинэчлэл хийсэн тул 2019 онд үнийн саналд өөрчлөлт орж хямдарсан болно. Үйлдвэрээс Эрээн хот хүртэл тээврийн зардал 800 юань

2. Том оврын тогоонууд

Модель	CMDJ-400	CMDJ-500	CMDJ-600	CMDJ-700	CMDJ-800
2014 оны үнийн санал (юань)	18800	19800	21200	үгүй	үгүй
2019 оны үнийн санал (юань)	11800	14800	15800	18600	19800
Багтаамж	400 литр	500 литр	600 литр	700 литр	800 литр
Хутгагчын чадал	1.5 квт	2.2 квт	2.2 квт	2.2 квт	2.2 квт
Гадна тогооны зузаан	3мм	4мм	4мм	4мм	4мм
Дотор тогооны зузаан	3мм	4мм	4мм	4мм	5мм
Тогооны амсарын диаметр	1000 мм	1100 мм	1200 мм	1300 мм	1400 мм
Чадал	18 квт	27 квт	27 квт	27 квт	27 квт
Халаалттай гадаргуун талбай	1.75м2	2.00м2	2.30м2	3.2м2	3.9м2
Усны хоолойн диаметр	25мм	25мм	25мм	25мм	25мм
Халах температур	2200С хэм

Жич: Үйлдвэрлэл технологийн шинэчлэл хийсэн тул 2016 онд үнийн саналд өөрчлөлт орж хямдарсан болно.
Үйлдвэрээс Эрээн хот хүртэл тээврийн зардал 1600 юань

2. Аарц бяслаг шахагч

Аарц бяслаг шахагч машин нь цагаан идээний үйлдвэрийн хамгийн чухал дамжлага юм. Цагааг сайтар шахаж өгсөнөөр аарц болон ээдмийг удаан хадгалах боломж бүрдэхээс гадна хатаалтын процесс хурдан явагдана.

Машины хэмжээ: 535мм * 533мм * 1090мм

Хүчин чадал: 15кг/цаг

Хэвлэгчийн хэмжээ: 42см * 42см * 11 см

Нэг бүрийн үнэ: 2300 юань. (5 ширхэгээс дээш авбал 2000 юань)

1. Аарц болон бяслагыг даавуун уутанд хийж хэвлэгч хайрцаганд хийнэ
2. Хийн шахуургын бариулыг эргүүлэн, хаалт гэсэн заалтан дээр байрлуулна.
3. 10 минут хиртэй аарц болон бяслагыг өндөр даралтаар шахна.
4. Хийн шахуургын хаалтыг нээж, бэлэн болсон бүтээгдэхүүнийг авна.

Япон улсад үйлдвэрлэсэн хийн шахуургын төхөөрөмж нь удаан жилийн эдэлгээтэй бөгөөд бат бөх.

Гидрийн насос болон хийн шахуурга. Бүх эд анги нь үл зэврэх SUS304 маркийн сайн чанарын өндөр үнэтэй гангаар үйлдвэрлэгдсэн тул эрүүл ахуйн шаардлагыг хангаж чадсан.

Тараг бүрэх буюу аарц хийх арга

Хонь ямаа үхрийн сүүгээр тараг бүрнэ. Тараг бүрэхийн өмнө сүүгээ 80-85 хэмийн халуун болтол цахилгаан тогоондоо халааж ариутгана. Ариутгасан сүүгээ 42-45 хэмийн халуун болтол хөргөөд 10 л сүүнд 150-200 гр орчим хөрөнгө орохоор тооцоолон таргаа исгэнэ. Тарганы хөрөнгийг багадуулж, халаалтыг багасган сэрүүдүүлбэл муу бүрэлдэж улцайх, ихдүүлж халуудуулбал сагаж шар устана.

Таглаж тавиад нэг өдрийн дараа тараг исэж бэлэн болно. Бүрсэн таргийг халуунаар нь задлахад шар устдаг учир задлахын өмнө хүйтэн газар тавьж хөргөвөл сайн. Дараа нь бэлэн болсон таргаа цахилгаан тогооны хутгагчаар сайтар хутгаж, жигдрүүлнэ.

Таргаа зөөлөн гал дээр буцалгана. Таргыг буцалмагц галын хүчийг багасгаж 2-3 минутын дараа хөргөнө. Буцалсан тараг нь ээдмэгтэй шингэн болж хувирдаг. Хөрсөний дараа шар усыг нь шүүж авна.

Бяслаг шахах

Бяслагийг хонь, ямаа, үхрийн болсон ба түүхий сүүгээр шахаж болдог. Түүхий сүүний бяслаг амт чанарын хувьд илүү бөгөөд удаан хадгалахад хатуурахгүйн дээр сайтар нунтаглаад хожим нь цай сүлж ч болно.

Бяслагийн амт чанарт нөлөөлөх гол зүйл бол ээдүүлгийг маш сайн тохируулах явдал юм. Ээдүүлэг нь ихэдсэн шахалт муу арзгар бяслаг гашилж муудах нь хялбар байна.

Хийх арга хэлбэрийн хувьд бяслагийг жинтүү, саран, ээдэм бөөн, үүрмэг бяслаг гэж ангилж болно. Бяслаг хийхдээ тогоотой сүүндээ 500-600 гр тараг эсвэл исэлтийн байдлыг харгалзан 300-500 гр ундаа хийж ээдүүлнэ.

Дараа нь шүүж ээдмийг нь цэвэр сиймхий давуун дээр хамж хийгээд боож хавтгай модон дунд шахна. Шахсан бяслаг цаг орчмын дараа хэвшиж нягтрах болно. Нягтарсан бяслагийг шахагч машинаас салган сэрүүн газар тавьж сэврээнэ.

Ээзгий буцалгах

Сүүг бяслагтай адил ээдүүлж шүүхгүйгээр шар усыг нь ширгэтэл буцалгаж хийдэг. Иймд ээзгий нь шим тэжээлийн хувьд илүү. Ээзгий хэлбэр хийцээсээ болж өөр өөрөөр нэрлэгдэх нь бий. Ширээмэл ээзгий гэж байх бөгөөд үүнийг хийхдээ сүүг тогоонд хийж халахын хамт 10 л сүүнд 150-170 гр орчим тараг буюу ундааг бага багаар цувуулан хийж ээдүүлнэ.

Ээдэлтээр гарсан шар сүү нь ээдмийг сүүлэг амттай болгож ээзгийний чанарыг сайжруулах төдийгүй, ээзгий бүрэн боловсроход сайнаар нөлөөлнө. Шар сүүг их байх үед ширүүн галаар цөөн хутгаж, ширгэж багасах үед нь галыг зөөлрүүлж хутгалтыг олшруулах нь зүйтэй. Шар сүү шингэж гүйцээд ээзгийний өнгө улаан шаргал болбол болсонд тооцож дэлгэцэнд тавьж хатаана.

Өндөр даралтаар шахсан бяслагыг удаан хугацаагаар хадгалах боломжтой болдог. Сайтар шахаж, шар усыг нь авсан аарц түргэн хатдаг.

Зураг дээр: Үйлдвэрийн ерөнхий байдал

Зураг дээр: Үйлдвэрлэлийн байр

Зураг дээр: Үйлдвэрийн захиргаа

Зураг дээр: Эдгээр төхөөрөмж захиалагч руу илгээгдэхийн өмнө

Зураг дээр: Үйлдвэрийн агуулахад

Зураг дээр: Битүү тагтай хутгагч бүхий тогоо. Хутгалтын явцад цалигаж асгаруулахгүйн тулд энэхүү тагийг захиалан хийлгэж болно.

Зураг дээр: Хутгагчийг ингэж хийсэн нь тогооны хананд бүтээгдэхүүн наалдаж үлдэхгүй сайн талтай.

Зураг дээр: Нийт 6 сэрвээ бүхий хутгагч нь стандарт үзүүлэлт бөгөөд захиалагч өөрийн хүсэлтээр хутгагчийн сэрээний дизайныг өөрчлөн хийлгэж болно.

Төлбөр:Үйлдвэрлэгч төлбөрийг хүлээн авмагц, 7 хоногын дотор Эрээн хотод өөрийн зардлаар хүргэж өгнө.
Баталгаа:Үйлдвэрээс тоног төхөөрөмж ачигдсан өдрөөс эхлэн нэг жил.
Технологийн сургалт ба угсралт:Захиалагчийн хүсэлтээр тоног төхөөрөмжийг угсрахад мэрэгжлийн инженерийг Монгол улсад явуулж болох бөгөөд Захиалагч тал виз, замын зардал, буудал, хоолны зардлуудыг хариуцна. Мэрэгжилтэний цалин 80 доллор/өдөр. Технологийн тухай танилцуулгыг зөвхөн худалдан авагч, захиалагч нарт өгнө.

Хэрхэн худалдаж авах вэ?

1. Үйлдвэрлэгч тус сайтад бараа бүтээгдэхүүний мэдээллээ төлбөртэйгээр тавьж, манай гэрээт нийлүүлэгч болсон тул бид танаас зуучлалын хөлсгүйгээр үйлчилгээ үзүүлнэ.
2. Та манай сайтын хаягаар бидэнд шууд хандан үйлдвэр дээр нь өөрийн биеэр зочилон очиж үйлдвэрлэлийн үйл ажиллагаатай танилцах, тоног төхөөрөмжийн судалгаа шилэн сонголт хийх, орон нутгийн болон дотоодын стандартын дагуу өөрчлөлт хийлгэх, хэсэгчлэн худалдан авалт хийх, хүчин чадлыг нэмэгдүүлэх зэрэг шаардлагын дагуу захиалж болно.
3. Бид танд замчлах, хэлмэрчлэх, гэрээ байгуулах ажилд тань хөндлөнгийн хяналт тогтоон баталгаажуулах, эрсдэлээс хамгаалах, тээвэрлэлт хийх зэрэг худалдааны ажилд тань туслалцаа үзүүлнэ.