0
CATEGORIES

“Ухаалаг хүн бусдад 100 доллор өгөөд, 1000 доллорын ажил хийлгэдэг” гэж барууны бизнесменүүд сургадаг. Оросын нэгэн сайт дээрээс Василий Козлов хэмээх зальжин эрийн тухай уншиж байсан. Тэрээр Хүүхдийн тоглоомын хаан гэгддэг.

Вася хүүхэд байхын Матрушка тоглоомонд туйлын хайртай этгээд нэгэн хүү байжээ. Ээж нь эрэгтэй хүүхэд байж Матрушка хүүхэлдэйгээр тоглодог хачин хүүхэд шүү гэдэг боловч, Вася тэр үгийг нь үл тооно...

Анх Вася 1500 доллортой Хятадад иржээ. Тэгээд Бээжин хотын Wangfujing гудамжны нэгэн жижиг дэлгүүрээс нэг бүр нь 25 юань үнэтэй эвлүүлдэг тоглоом бөөндсөн байна. Москвад ирээд, тоглоомуудаа хүүхдийн парк дээр худалдсанд маш хурдан борлогдож, түүний мөнгө 3 дахин өссөн байна. Яагаад тоглоомууд ийм хурдан борлогдсоны учрыг Вася маш сайн мэдэж байлаа.

Учир нь эцэг эхчүүд хүүхдийнхээ оюун ухаан, сэтгэхүйг хөгжүүлж болох эвлүүлдэг модон тоглоом авч өгөх дуртай байдаг. Тэгээд ч эвлүүлдэг тоглоом нь хүүхдийн нас, хүйс үл ялгах тул тааралдсан хүн бүхэн хүүхэддээ авч өгнө. Үүнээс гадна модон тоглоом хүүхдийн эрүүл мэндэд сөрөг нөлөөгүй бөгөөд цэцэрлэгүүд ч олноор нь захиалахад бэлэн байсан юм.

Үүнд урамшсан Вася модон тоглоомын үйлдвэрийг нээе гэж бодовч түүний мөнгө хараахан хүрэлцэхгүй байв. Вася Москвад амьдралын өртөг өндөр тул хямд үнэтэй тоглоом хийгээд ашиг олохгүй гэдгийг мэдэж байлаа. Зориг үл хүрвээс ухаан үл хүрнэ гэдэг.

Иймд Вася Хятадад үйлдвэр байгуулахаар зориг шулуудав. Учир нь:

  • Хятад хүний хөдөлмөрийн хөлс бага.
  • Хятад хүн мөнгө олж байвал ямар ч том захиалгыг өдөр шөнөгүй хийхээс буцахгүй.
  • Тэд ажилдаа нямбай ханддаг
  • Үйлдвэрийн түрээсийн байр хямд.
  • Хятадад 100 хувийн гадаадын хөрөнгө оруулалттай үйлдвэр байгуулбал татвар бага.
  • Модон тоглоомны түүхий эд болох мод нь Манжуураар дамжин Оросоос их хэмжээгээр орж ирдэг байлаа.

Ийм олон давуу тал байсан тул Манжуур хотод ирж, үйлдвэрээ байгуулжээ.

idea045

Зураг дээр: Васягийн модон тоглоом ба үйлдвэр

Вася Хятад хэлний боловсрол дутмаг байсан тул нутгийн нэгэн Хятад залуутай хамтран үйлдвэрээ байгуулсан байна. Гэвч хятад залуу 20%, харин Вася 80% хөрөнгө оруулжээ. Тэр хятад залууг үйлдвэрийн даргаар ажиллуулж, өөрөө борлуулалтаа хариуцана. Учир нь Вася модоор тоглоом хийх ур дүй муутайхан мужаан байсан бөгөөд түүнд үйлдвэр дээр ажиллахаас өөр маш олон зохицуулах ажлууд байсан юм.

Хэрэв Вася Бээжингээс энэ тоглоомыг худалдан авбал 25 юань байсан бол үйлдвэр байгуулснаар түүний тоглоомын өөрийн өртөг 7,5 юань болж байв. Энэ бол арав нугарсан худалдаа. Москвад худалдвал 750 рубль, харин Бээжингийн дэлгүүрт нийлүүлбэл 20 юань. Цэнгээр зарцуулж, лангаар олох ухаан гэгч энэ бөлгөө.

Аль аль нь их бага хэмжээний ашиг олж болохоор байсан тул Вася Хятад, Оросын зах зээл дээр хавсран худалдаагаа явууллаа. Амьдрал гэдэг бол сул хяналт - Хатуу шалгалт! Хоёр том зах зээл дээр бүтээгдэхүүнээ гаргана гэдэг бол их мөнгөний урсгалыг татаж чадсан гайхамшигт амжилт.

Бизнес санаа

Орос Хятадын зах зээлийг нэгтгэж, бүтээгдэхүүнээ гаргаж чадвал, 800 жилийн тэртээ их эзэн богд Чингис хааны минь байлдан дагууллын орчин цагийн хэлбэр энэ бөлгөө. Эрээнд үйлдвэрлэл явуулах байр хямд, ажиллах хүч элбэг, төрийн дарамт бага зэрэг олон давуу талтайгаас гадна үйлдвэрлэсэн бүтээгдэхүүнээ Хятад Монголын зах зээлд худалдан борлуулах боломж бас бий.

Бизнес санааг бичсэн: Суусан цэцэн биш явсан тэнэг хэмээх Ц.Энхтайван

БИДНИЙ ХАЯГ

Баянзүрх дүүрэг 26-р хороо, Дүнжингарав захын урд талд,
Глобал Олон улсын дунд сургуулийн хашаанд 207-р байр.


ЦАГИЙН ХУВААРЬ:

Даваа-Бямба: 10:00 - 18:00
Ням: Амралтын өдөр.

Зочидын мэдээлэл

  • Манай нийт зочид: 17601837

Манай зочид

Тантай хамт 965  зочин манай сайтын мэдээллийг сонирхон үзэж байна.

Нэвтрэх