Лавлах утас: 91445510, 94255510 (Ажлын цагаар залгана уу)

Сүүлийн үед малын гаралтай өөх тос их хэмжээгээр хаягдахаас гадна нийтийн хоолны газрын хэрэглэсэн ургамалын тосны хаягдал их гарч байна.

Намайг хүүхэд байхад эдгээр хаягдлыг техникийн тос хэмээн нэрлэж Монгол орон маань хэрэглээний савангаа 100 хувь дотооддоо үйлдвэрлэж байлаа. Саван үйлдвэрлэнэ гэдэг бол хамгийн энгийн ажиллаатай байдаг.

Үүнээс гадна гадаадын олон оронд савангийн урлаг ихээр хөгжсөн байдаг.

Солонгос болон Японоос ирсэн жуулчид Монголчуудад ихэвчлэн саван бэлэглэдэг. Тэрхүү савангаа "гар аргаар хийсэн хамгийн сайн нь" хэмээн тайлбарладаг. Энэхүү саван нь үнэтэйгээс гадна мода-аа дагаж борлуулалт нь өсдөг гэж байсан. Саван мода-нд ордог гээд сонсохоор нэг л тийм... Тэндхийн охид гар аргаар хийсэн, анхилам үнэртэй саванг илүүтэй худалдан авдаг байна.

Энэ нь арьсыг зөөлрүүлээд зогсохгүй, үнэр нь арьсанд удаа хадгалагддаг гэнэ. Тэгэхээр бид ч гэсэн энэ төрлийн бизнесийг хийгээд үзвэл ямар вэ? Өөрийн гэсэн брэнд. Монголоороо овоглох шилдэг бүтээгдэхүүн болох ч юм билүү.

Савангийн жижиг дунд оврын үйлдвэр байгуулахад үндсэн 4 төрлийн төхөөрөмж хэрэглэнэ. Үүнд:

1. Хутгагчтай цахилгаан тогоо
2. Тос цэвэршүүлэгч
3. Саванжуулагч миксер
4. Хэв
5. Хатаалгын камер

1. Хутгагчтай цахилгаан тогоо

Энэхүү тогоонд малын гаралтай бүх төрлийн өөх тосыг ширгээн хайлуулан авахаас гадна шөнийн цагт жижиглэж буталсан яс буцалгаж тосыг нь авч болно. Учир нь яс буцалгаж кальцийн шөл авах, тос ялгаруулах процесс удаан явагддаг тул цахилгааны тоолуур тэглэсэн үед хийвэл илүү ашигтай байх гэж бодсон юм.

Та өөрийн үйлдвэрлэлийн хүчин чадалд тохируулан тос бэлтгэх тогооны сонголтыг хийгээрэй.

• Тогооны гадна дотор цамцнуудын зузаан: 3-5 мм
• Материал: SUS304 маркийн сайн чанарын зэвэрдэггүй ган төмрөөр хийсэн. Захиалагчын хүсэлтээр SUS316 төмрөөр тогооны дотор талыг хийлгэж болно.
• Халаалт тохируулагч: Бий. Тохиргоо хийсэн температурт хүрмэгц машин автоматаар унтарна.
• Хутгуурын эргэх хурд: 36 эрг/мин (Захиалагчын хүсэлтээр өөрчилж болно.)
• Цамцны даралт: 0.09 Мра
• Сертификат: GMP, QC, HACCP гэрчилгээтэй тул хүнсний болон эмийн үйлдвэрлэлийн шаардлагыг хангасан.
• Эргэх өнцөг: Тогоонд боловсруулсан бүтээгдэхүүнийг 180 хэмээр эргүүлэн тогоог хөмөрч болно.
• Хутгагч: Үйлдвэрлэгч хутгагчыг тогооны үнийн саналд оруулдаггүй 400 доллороор үнэлдэг байсан бол эдүгээ үнэгүй дагалдуулан өгдөг болсон байна.

1. Бага оврын тогоонууд

Модель	CMDJ-50	CMDJ-100	CMDJ-200	CMDJ-300
2014 оны үнийн санал (юань)	Үгүй	10000 юань	12000 юань	14000 юань
2016 оны үнийн санал (юань)	7500 юань	8800 юань	9800 юань	10700 юань
Багтаамж	50 литр	100 литр	200 литр	300 литр
Хутгагчын чадал	0.75 квт	0.75 квт	1.1 квт	1.5 квт
Гадна, дотор тогооны зузаан	3мм	3мм	3мм	3мм
Тогооны амсарын диаметр	600 мм	700 мм	800 мм	900 мм
Чадал	12 квт	12 квт	12 квт	18 квт
Халаалттай гадаргуун талбай	0.45м2	0.58м2	1.12м2	1.42м2
Усны хоолойн диаметр	20мм	20мм	20мм	20мм
Халах температур	2200С хэм

Жич: Үйлдвэрлэл технологийн шинэчлэл хийсэн тул 2016 онд үнийн саналд өөрчлөлт орж хямдарсан болно. Үйлдвэрээс Эрээн хот хүртэл тээврийн зардал 800 юань

2. Том оврын тогоонууд

Модель	CMDJ-400	CMDJ-500	CMDJ-600	CMDJ-700	CMDJ-800
2014 оны үнийн санал (юань)	18800	19800	21200	үгүй	үгүй
2016 оны үнийн санал (юань)	11800	14800	15800	18600	19800
Багтаамж	400 литр	500 литр	600 литр	700 литр	800 литр
Хутгагчын чадал	1.5 квт	2.2 квт	2.2 квт	2.2 квт	2.2 квт
Гадна тогооны зузаан	3мм	4мм	4мм	4мм	4мм
Дотор тогооны зузаан	3мм	4мм	4мм	4мм	5мм
Тогооны амсарын диаметр	1000 мм	1100 мм	1200 мм	1300 мм	1400 мм
Чадал	18 квт	27 квт	27 квт	27 квт	27 квт
Халаалттай гадаргуун талбай	1.75м2	2.00м2	2.30м2	3.2м2	3.9м2
Усны хоолойн диаметр	25мм	25мм	25мм	25мм	25мм
Халах температур	2200С хэм

Жич: Үйлдвэрлэл технологийн шинэчлэл хийсэн тул 2016 онд үнийн саналд өөрчлөлт орж хямдарсан болно.
Үйлдвэрээс Эрээн хот хүртэл тээврийн зардал 1600 юань

2. Тос цэвэршүүлэгч

Ширгээн хайлуулсан малын гаралтай тос болон нийтийн хоолны газар хэрэглэсэн тосыг цэвэршүүлж, савангийн үйлдвэрлэлийн түүхий эд болгон хэрэглэнэ.

• Марк: YD-45L
• Цахилгаан хэрэглээ: 220V
• Цахилгаан зарцуулалт: 0.37 квт/цаг
• Гадна хэмжээ: 445мм х 790мм х 630мм
• Багтаамж: 45 литр
• Тосны шүүрний хэмжээ: 420мм х 135мм х 100мм
• Тосны шүүлтүүр: 1300мм
• Хүндийн жин: 37.3 кг
• Тосны савны хэмжээ: 395мм х 710мм х 200мм
• Баталгаа: Нэг жил
• Үйлдвэрийн үнэ: 3400 юань

3. Саванжуулах миксер

Саванжуулах миксерт бүх төрлийн саван, шампунь, гоо сайхны бүтээгдэхүүн, вино, шингэн эм, ургамалын ханд, сүү цагаан идээ, жимсний шүүс гэх зэрэг шингэн бүтээгдэхүүнийг холино.

Энэ тогоо нь битүүмжлэгч тагтай бөгөөд химийн бодис хутгаж найруулах зориулалтын сайн чанарын гангаар хийсэн болно.

Багтаамж	Халаагчгүй саванжуулах тогоо	Халаагчтай саванжуулах миксер
100 литр	5700 юань	8200 юань
200 литр	6400 юань	9700 юань
300 литр	7000 юань	11500 юань
500 литр	7700 юань	12500 юань
800 литр	9100 юань	14300 юань
1000 литр	9700 юань	15800 юань
1500 литр	11000 юань	16800 юань
2000 литр	12200 юань	19800 юань
3000 литр	17000 юань	24500 юань
5000 литр	25000 юань	32500 юань

Та тогооны сонголт хийхдээ савангийн үйлдвэрлэл явуулах хүчин чадал болон технологийн онцлогийг анхаарах хэрэгтэй. Малын гаралтай өөх тосоор саван хийх бол халаагчтай саванжуулах тогоо авна. Харин шингэн ургамалын тосоор хийх хийх гэж байгаа бол халаагчгүй саванжуулах тогоо байхад болно.

Саванжуулах тогоог савангийн үйлдвэрт хэрэглэхээс гадна будаг, гоо сайхан, барилга, вино, пиво, хими, резин, хүнсний үйлдвэрт өргөн хэрэглэдэг. Шингэн бодисыг хутгах, холих, гомогенжуулах (жигдрүүлэх), халаах гэсэн үйлдлүүдийг хийнэ.

Захиалагчийн хүсэлтээр хөргөлттэй хийх, автомат тохиргоо хийх зэрэг нэмэлт төхөөрөмжүүдийг суурьлуулж болно.

4. Савангийн хэв

Энэхүү хэв нь халуун хүйтэн аргаар боловсруулж байгаа хүнсний бүтээгдэхүүнийг хэвлэхээс гадна төрөл бүрийн гоёмсог дизайнтай саван хэвлэж болно. Савангийн зутан бэлдмэлийг энэхүү хэвэнд хийж 24 цаг сэврээхэд гайхамшигтай хэлбэр дүрс бүхий саван бий болно.

• Амт: Үгүй
• Үнэр: Үгүй
• Физик шинж чанар: Уян налархай
• Зориулалт: Нарийн боов, саван, ааруул, цэлцэгнүүр хэвлэх
• Хэвний тоо: 12 ширхэг
• Хэмжээ: 295мм х 170мм х 22мм
• Хүндийн жин: 155 гр
• Үнэ: 23 юань

5. Савангийн боодлын цаас зүсэгч

Бэлэн болсон саванг бэлгийн төрөл бүрийн гоёмсог боодлын цаас ашиглан савлагаа хийж болно. Үүнд савангийнхаа хэмжээгээр цаас зүсэгч машиныг өргөн ашигладаг. Энэ төхөөрөмж нь нэг удаадаа 500 давхар цаасыг өөрийн хүссэн хэмжээгээр цэвэрхэн зүснэ.

• Зүсэлт хийх өргөн: 315мм
• Зүсэлт хийх зузаан: 0.1мм - 40мм
• Зүсэлт хийх нарийвчлал: 0.02мм
• Хэмжээ: 610мм х 390мм х 210мм
• Төхөөрөмжийн жин: 18кг
• Баталгаа: Нэг жил
• Үйлдвэрийн үнэ: 500 юань

 

Энэ бичлэг дээр байгаа савангууд шиг төрөл бүрийн гоёмсог саван үйлдвэрлэх боломж бидэнд байна.

Асуулт 1. Саван хийхэд ямар ямар түүхий эд хэрэгтэй вэ?

Саван хийхэд дараах түүхий эдийг хэрэглэнэ. Үүнд:

1. Шүлт буюу натрийн гидроксид (Sodium hydroxid). Энэ нь идэмхий химийн бодис юм.
2. Ургамалын болон амьтны гаралтай өөх тос.
3. Үнэрт тос буюу эфирийн тос
4. Өнгө оруулагч будаг

Асуулт 2. Саван хийх хичнээн янзын арга байдаг вэ?

Саванг үйлдвэрлэх үндсэн гурван арга байдаг. Үүнд:

• Бэлэн суурь саванг дахин боловсруулах
• Халуун аргаар саван хийх
• Хүйтэн аргаар саван хийх

Амьтан, ургамалын гаралтай тосыг шүлттэй хольж найруулснаар саванжих урвал явагдаж, бэлэн савангийн үндсэн түүхий эд бий болно.

Өөх тос + шүлт + ус = саван

Асуулт 3. Халуун аргаар саванг хэрхэн үйлдвэрлэх вэ?

Халуун аргаар саван үйлдвэрлэх нь шүлтийг хурдан ууршуулах сайн талтай байдаг.

• Шүлт ус хоёроо орц жорын дагуу хольж найруулна.
• 45 хэмийн хайлсан тосон дээрээ бэлтгэсэн шүлтийн уусмалаа хийнэ.
• Саванжуулах миксерт түүхий эдийг 1-2 цаг байлгаж үе үе хутгаж жигдрүүлнэ.
• Суурь бэлдмэлүүдийг нэмж, дахин хутгана.
• Хэвэнд хийж, 24 цаг хатаана.
• Хэвнээс савангаа гаргаж хатаагч өрөөнд 1-2 долоо хоног хатууртал нь хатаана. Халуун аргаар саван хийх нь хүйтэн аргаар хийсэн савангаас хатаалтын явц нь хоёр дахин хурдан байдаг. Ингэж хатаасны дараа савангийн найрлаганд байгаа шүлт бүрэн ууршиж хүний биед ямар ч харшилгүй сайн чанарын хатуу саван бий болно.

Асуулт 4. Хүйтэн аргаар саванг хэрхэн үйлдвэрлэх вэ?

• Шүлт ус хоёроо орц жорын дагуу хольж найруулна.
• Шингэн төлөвт байгаа тосон дээрээ бэлтгэсэн шүлтийн уусмалаа хийнэ.
• Саванжуулах миксерт түүхий эдийг сайтар хутгаж жигдрүүлнэ.
• Суурь бэлдмэлүүдийг нэмж, дахин хутгана.
• Хэвэнд хийж, 24 цаг хатаана.
• Хэвнээс савангаа гаргаж хатаагч өрөөнд 2-4 долоо хоног хатууртал нь хатаана. Ингэж хатаасны дараа савангийн найрлаганд байгаа шүлт бүрэн ууршиж хүний биед ямар ч харшилгүй сайн чанарын хатуу саван бий болно.

Асуулт 5. Савангийн түүхий эд болгон хэрэглэх малын гаралтай тосыг бэлтгэхэд юуг анхаарах вэ?

Тос царцуу байж болохгүй. Царцсан тосыг шингэртэл нь цахилгаан тогоонд хайлуулж өгөх хэрэгтэй. Тосыг үл зэврэх ган, шаазан, шилэн саванд хадгалдаг.

Асуулт 6. Хөдөлмөр аюулгүй байдлыг хангахад юуг анхаарах вэ?

Юуны өмнө нүдний шил, хормогч болон резинэн бээлийтэй ажиллах хэрэгтэй. Мөн үйлдвэрлэл явуулж байгаа өрөөний агааржуулалт сайт байх нь чухал. Тосыг хайлуулж бэлтгэж байгаа тохиолдолд хиншүү сорогч ажиллуулж, үйлдвэрийн байрны ариун цэврийг сахих нь зүйтэй.

Идэмхий шүлттэй ажиллаж байгаа гэдгийг байнга анхаарах хэрэгтэй.

Асуулт 7. Хатаалт хийхэд юуг анхаарах вэ?

Хэвэндээ савангийн бэлдэцээ хийгээд цэвэр спиртийн уусмалаар шүршиж өгвөл хатаалтын явцад саван хөөсөрдөггүй. Хатаалтын өрөөнд шүлтийн ууршилт их байдаг тул энэ өрөөг үйлдвэрлэлийн байрнаас тусд нь байлгах нь зүйтэй.

Асуулт 8. Савангийн суурь бэлдмэл гэж юу вэ?

Савангийн үндсэн түүхий эд нь өөх тос, шүлт хоёр байдаг бол түүнд янз бүрийн үнэр, өнгө будаг оруулагчыг суурь бэлдмэл гэдэг. Мөн төрөл бүрийн эмийн ургамалын ханд, ямааны сүү гэх мэт эмчилгээний зориулалтаар ашиглах материалууд ч ордог. Үнэр, өнгө оруулагчаар орон нутгийн ургамал амьтны гаралтай түүхий эд улиасны нахиа, аньсны шүүс, хад, гүзээлзгэнэ, модны шилмүүс, бамбай, гонидны ханд, хар модны холтос зэргийг ашиглана.

Асуулт 9. Саван хийх орцыг хэрхэн тодорхойлох вэ?

Саван хийхдээ түүний үйлчилгээг онцгой анхаарна. Өөх тосны хүчиллэгийн хэмжээ өөр өөр байдаг тул түүнээс шалтгаалж, жорын найрлага орцын хэмжээ тодорхойлогдоно. Тухайлбал:

Оливийн тосны хүчиллэгийн хэмжээ нь 0.1353 байдаг.

• 900гр тосны жинг тосныхоо хүчиллэгийн хэмжээгээр үржүүлнэ. Гарсан тоо нь нийт шүлтийн граммын хэмжээ болно.
  900гр х 0.1353=121,77гр шүлт хэрэгтэй.
• Гарсан шүлтний тоогоо 0,3-т хувааснаар тосон дээр хийх нийт шүлтний уусмал гарч ирнэ.
  121,77гр ÷ 0,3=405,9гр
• Шүлтний уусмалын хэмжээнээс нийт гарсан шүлтний хэмжээгээ хасахад шаардлагатай усны хэмжээ гарч ирнэ.
  405,9гр - 121,77гр = 284,14 мл ус

Ингэхээр бидэнд 900 гр тос, 285мл ус, 122гр шүлт хэрэгтэй байх нь.

Асуулт 10. Хатуу болон шингэн саван үйлдвэрлэхэд ямар ялгаа байдаг вэ?

Хатуу саван хийхэд натрийн гидроксид (Sodium hydroxid) хэрэглэдэг бол шингэн саван хийхэд калийн гидроксид (Potassium hydroxid) хэрэглэнэ. Эдгээр хоёр бодис нь хоюулаа идэмхий химийн бодис тул түүнтэй харьцахдаа маш болгоомжтой байх хэрэгтэй.

Хэрэв та үйлдвэрлэсэн савангаа боож савлах хэрэгтэй бол БООГЧ МАШИН-ы тухай мэдээллийг холбоос дээр дарж үзнэ үү.

Энэхүү машин нь олон төрөл байдаг бөгөөд видео танилцуулга дээр үзүүлж байгаа туршилтын ажил дээр зочид буудлын нэг удаагийн жижиг саван савлаж байлаа.

Үйлдвэр дээр эдгээр бүтээгдэхүүн бэлэн байгаа тул захиалга өгсөнөөс хойш 7 хоногын дотор Эрээн хотод ирнэ.

Та бүтээгдэхүүнийг Эрээн хотод манай төлөөлөгчийн газраас хүлээн авч болох бөгөөд хүсвэл бид Улаанбаатар хот руу каргогоор илгээж болно.